Të enjten e 4 gushtit, Bledar Zeneli ka dalë para trupit gjykues si i akuzuar për thirrje, nxitje për kryerjen e veprës penale terrorizëm”.
Gjatë seancës gjyqësore, Zeneli ishte treguar i ndjeshëm gjatë degjimit të akuzave ndaj tij.
Zeneli gjatë seancës, mes lotësh ishte shprehur se, ”kam cituar Kuranin dhe nuk kam nxitur terrorizëm, kam thënë që do të fitojë islamizmi dhe jo ISIS”.
Përderisa gjyqtarja e Posaçme Flora Hajredini u tërhoq ta merrte vendimin, Zeneli ishte ai që kërkoi lehtësim të masës me arsyetimin që i ka dy fëmijë dhe fëmija i vogël është vetëm 4 muajsh.
Dyshimet për Bledar Zenelin erdhën nga postimet e tij në llogarinë Twitter, Facebook dhe Instagram.
Ai publikonte artikuj, materiale radikale, ekstremiste, propagandistike dhe statuse, në mbështetje të shtetit Islamik dhe kundër koalicionit global antiterrorizëm.