Fazliu: Udbashi Sahit Ismalji kishte torturuar psiqikihsht nënën dhe hallën time, ditën kur ranë heronjtë Fahri Fazliu e Afrim Zhitia

Fahri Fazliu, nipi i dy dëshmorëve të kombit, Bahri dhe Fahri Fazliu, ka njoftuar për torturat që nënës dhe hallës së tij iu janë bërë nga pjesëtari i UDB-së, Sahit Ismajli.

Në një postim në Facebook, Fazliu tregoi se Ismajli i kishte arrestuar dhe torturuar psiqikisht nënën e tij, Bahrijen, dhe hallën e tij, Fahrijen, më 2 nëntor 1989, ditën kur ranë heroikisht Fahri Fazliu dhe Afrim Zhitia.

“Është e vërtetë që krimineli dhe udbashi Sahit Ismajli, i kishte arrestuar, marrë në pyetje dhe torturuar psiqikisht nënën time, Bahrijen dhe hallën time, Fahrijen me 2 nëntor të vitit 1989 ditën kur ranë heroikisht Heronjtë e Kombit, Fahri Fazliu dhe Afrim Zhitia. Ballëhapur, kokëlart dhe gjithmonë krenar me të kaluarën tonë të lavdishme!”, ka shkruar Fazliu në Facebook.

Emri i Sahit Ismajlit është përmendur edhe nga ish-e burgosura politike, Fexherie Shala, e cila në emisionin “Debat Plus” ka rrëfyer për torturat dhe tmerret që ka përjetuar nga bashkëpunëtorët shqiptarë të UDB-së, e, veçanërisht nga Sahit Ismajli.

• • “Shuplakën e parë ma ka dhënë Sahit Ismajli”, Shala rrëfen torturat nga UDB-ashët shqiptarë në “92-sh” në Prishtinë  
  • “Për t’i shpëtuar epsheve të Sahit Ismajlit, shkova në dhomë të torturave”, rrëfimi i të burgosurës politike për tmerrin që përjetoi nga UDB-ashët shqiptarë