Federata Portugeze e Futbollit ka sqaruar se Cristiano Ronaldo në asnjë moment nuk ka kërcënuar largimin e tij nga kombëtarja e Portugalisë në Katar.
Ndërkaq, është theksuar se raportimet që pretenduan se Ronaldo kërcënoi të largohej nga kombëtarja gjatë një bisede me trajnerin, Fernando Santos, nuk janë të vërteta.
“Deklaratë zyrtare nga FA portugez. Raportet që pretendojnë se Cristiano Ronaldo kërcënoi të largohej nga kombëtarja gjatë një bisede me Fernando Santos, nuk janë të vërteta – FPF sqaron se në asnjë moment Cristiano nuk kërcënoi të largohej nga kombëtarja në Katar”, ka shkruar Fabrizio Romano, në rrjetin social Facebook.
Ndër të tjera, FPF ka theksuar se Ronaldo po ndërton një rekord unik në shërbim të kombëtares së tij, gjë e cila sipas tyre, është dëshmuar edhe në fitorën kundër Zvicrës.
“Cristiano Ronaldo ndërton çdo ditë një rekord unik në shërbim të kombëtares dhe vendit, i cili duhet respektuar dhe që dëshmon shkallën e padiskutueshme të përkushtimit ndaj kombëtares. Meqë ra fjala, shkalla e përkushtimit të lojtarit më të luajtur nga Portugalia u demonstrua sërish – nëse është e nevojshme – në fitoren kundër Zvicrës, në xhiron e 16-tës së Kupës së Botës 2022”, kanë thënë nga Federata Portugeze, shkruan Sky sport.