Protesta e serbëve në sheshin “Car Lazar” në Mitrovicë të Veriut ka filluar.
Gazetarët e RTV Dukagjini që janë duke raportuar nga vendi i ngjarjes në veri, kanë bërë të ditur se kryetari i Listës Serbe, Goran Rakiq me pjesëtarët e Listës Serbe, është në krye të protestës.
Po ashtu, pjesë e protestës është edhe kryetari i komunës së Shtërpcës, Dalibor Jevtiq.
Në protestë, gjithashtu, është parë një i moshuar serb, duke mbajtur një helmetë me mbishkrim të misionit “UN” dhe të rezolutës 1244.
Ndërkaq, para fillimit të protestës, një grup i të rinjve në lagjen e boshnjakëve në Mitrovicë, kanë vendosur flamurin e Kosovës dhe të Shqipërisë.
Qytetarët të cilët e kanë marrë këtë iniciativë kanë thënë se kjo po bëhet për të treguar se veriu është tokë e Kosovës dhe e shqiptarëve.
Fillon grumbullimi i qytetarëve serbë në sheshin “Car Lazar” në Mitrovicën e Veriut (VIDEO)