Manchester City mposhti Arsenalin 2-0 në finalen e Kupës së Ligës 2026 dhe fitoi trofeun që mund të shënojë titullin e fundit nën drejtimin e Pep Guardiolës, mes spekulimeve për largimin e tij nga klubi.
Arsenal humbi mundësinë për të fituar trofeun e parë të sezonit, por mbetet në garë për fitimin e Premier League dhe Ligës së Kampionëve në javët në vijim.
Ndeshja nuk pati shumë emocion në pjesën e parë, por u ndez në pjesën e dytë kur Nico O’Reilly shënoi dy gola vendimtarë.
Goli i parë erdhi pas një gabimi të madh të portierit të Arsenalit, Kepa Arrizabalaga, i cili humbi kontrollin e topit dhe i dha mundësinë O’Reilly-t të kalonte ekipin e tij në avantazh.
Për Manchester Cityn, ky është trofeu i tetë i Kupës së Ligës dhe i pari që nga edicioni 2020/21.
Pesë nga këto tetë fitore janë arritur nën drejtimin e Pep Guardiolës, që bëhet trajneri i parë që fiton këtë garë pesë herë. Me Cityn, spanjolli ka arritur gjithsej 15 trofe madhorë.
Nga ana tjetër, Arsenali ende kërkon trofeun e parë të ndonjë gare të madhe që nga viti 2020. Tani, të dy skuadrat do të vazhdojnë garën e fortë për titull edhe në Premier League.