Analisti i futbollit, Faruk Statovci, e ka komentuar ndeshjen ne mes të Gjermanisë dhe Skocisë, ku gjermanët kanë fituar me rezultat të thellë 5-1.
Statovci ka thënë se nuk e ka pritur këtë rezultat dhe se Gjermania është në rrugën e duhur për në finale të Kampionatit Evropian 2024.
“E pash një Gjermani jashtëzakonisht të frikshme, unë për vete nuk e kam prit kështu. Sepse vite më herë kemi parë shumë probleme në formacion dhe në lojën e Gjermanisë. Kurse mendoj që në këtë kampionat nuk është reale kjo lojë me analizuar se çka do të bëhet më tuje, por ajo çka kemi parë sot ishte një gjermani e kombinuar me lojtarë ndoshta tre ose katër lojtarë më përvojë kurse pjesa tjetër lojtarëve të ri. Të cilët më të vërtetë e treguan mentalitetin gjerman. Edhe me të vërtetë është që thonë, me ujë, rrymë e mentalitetin gjermanë s’ka lojë”, ka thënë Statovci në “EuroDueli” të Dukagjinit.