Kombëtarja e Shqipërisë synon ta mbyllë me fitore ciklin kualifikues për Kampionatin Evropian “Euro 2024”, ndaj Ishujve Faroe.
Skuadra e drejtuar nga Sylvinho tashmë e ka siguruar vendin në Gjermani, por ka nevojë për një pikë që të avancojë si lider, gjithnjë nëse Moldavia s’e eliminon Republikën Çeke.
Përzgjedhësi Sylvinho, ashtu siç njoftoi para ndeshjes, ka bërë disa ndryshime, me Thomas Strakoshan që e nisi nga minuta e parë, derisa edhe Mirlind Daku e zëvendëson Sokol Cikalleshin.
Formacionet zyrtare:
Shqipëri (4-3-3): Strakosha; Balliu, Ismajli, Gjimshiti, Mitaj; Bajrami, Asllani, Bare; Uzuni, Daku, Asani.
Ishujt Faroe (4-1-4-1): Lamhauge; Danielsen, Faero, Edmundsson, Davidsen; Vatnhamar; Bjartalio, Joensen, Andeasen, Hendriksson; Edmunddson.
Ndeshja do të zhvillohet në “Air Albania” me fillim nga ora 20:45.