Forca e Sigurisë së Kosovës (FSK) ka marrë së fundmi në posedim fluturaket pa pilot të tipit AeroVironment RQ-20 Puma, të prokuruara nga Shtetet e Bashkuara të Amerikës.
Ministri në detyrë i Mbrojtjes, Ejup Maqedonci, ka bërë të ditur se ky sistem është siguruar përmes programit Foreign Military Sale (FMS), një mekanizëm shtet më shtet që mundëson furnizimin me pajisje të avancuara ushtarake.
Pagesa për këtë pajisje ishte realizuar që në vitin 2021.
“Gjatë javës së kaluar pranuam fluturaket pa pilot AeroVironment RQ-20 Puma të prokuruara nga Shtetet e Bashkuara të Amerikës.
Ministria e Mbrojtjes prokurimin e Fluturakeve pa Pilot “Puma” nga ShBA e ka realizuar përmes programit shtet më shtet të njohur si Foreign Military Sale (FMS). Pagesa për këtë sistem është realizuar në vitin 2021.
Flututuraket Puma krahas fluturakeve tjera janë një kapacitet tjetër i nevojshëm për rritjen e aftësive të FSK në fushën e sistemeve ajrore pa pilot.
Bashkëpunimi me ShBA në fushën e mbrojtjes po thellohet dhe zgjerohet vazhdimisht duke kontribuar në zhvillimin e ushtrisë tonë si dhe në arritjen e interesave të përbashkëta të dy vendeve tona”, ka shkruar Maqedonci në Facebook.