Furnizimi i Gjermanisë me gaz është ende i sigurt, Ministria e Ekonomisë në Gjermani ka thënë se “ne po monitorojmë situatën nga afër”.
Gjermania është konsumatori më i madh i gazit natyror në Evropë dhe furnizohet me gaz nga disa vende evropiane.
“GTSOU”, operatori ukrainas i gazit ka thënë se do të pezullonte flukset përmes pikës së tranzitit “Sokhranivka”, raporton “BBC”.
Pika e tranzitit “Sokhranivka” dërgonte pothuajse një të tretën e karburantit të transportuar nga Rusia në Evropë përmes Rusisë. Të dhënat e siguruara nga “Gazprom” sugjerojnë se gazi përmes rrugës “Sokhranivka” ka rënë në zero të mërkurën, nga kjo kuptohet se tani po përdoret vetëm rruga “Sudzha”.
Shoqata e industrisë së gazit të Gjermanisë ka thënë se do të jetë në gjendje të vlerësojë ndikimin e mbylljes së pikës së tranzitit, kjo do të ndodhë vetëm pasi të ketë parë se si kjo lëvizje ndikon në flukset.