Analisti Dardan Gashi, në emisionin “Debat Plus”, ka deklaruar se presidentja Vjosa Osmani dhe kryeministri Albin Kurti e kanë tradhtuar elektoratin e tyre dhe se kriza politike në vend po ndodh pikërisht për shkak të tyre.
Sipas tij, situata aktuale politike është rezultat i përplasjes mes dy liderëve që dikur premtonin ndryshim për qytetarët.
“Para pesë vjetësh këta i kanë treguar elektoratit që kur të vijnë këta në pushtet, këtu ka me u bë parajsë. Qe ku jemi sot – kriza më e thellë institucionale e këtij vendi ndodh prej këtyre dy personave, Albin Kurti e Vjosa Osmani”, ka thënë Gashi.
Ai e ka krahasuar situatën mes tyre me një ndarje brenda një familjeje, duke përdorur metaforën e “babait dhe mamit”.
“Kjo çfarë po ndodh mes tyre është si një çift që ndahen, babi e mami, dhe gjykata duhet të vendosë kush ka të drejtë”, është shprehur ai.
Gashi shtoi se tashmë qytetarët duhet të presin vendimin e Gjykatës Kushtetuese.
“Tash na duhet me prit deri më 31 mars me pa a ka baba a ka mami të drejtë”, ka deklaruar ai.
Sipas tij, gjithë kjo situatë politike që po zhvillohet në vend ka qenë e programuar paraprakisht.