Ministrja e Punëve të Jashtme, Donika Gërvalla ka njoftuar se është takuar me ambasadorin e ShBA-së në Kosovë, Jeffrey Hovenier.
Gërvalla përmes një postimi në “Facebook” ka njoftuar se me Hovenier kanë diskutuar për partneritetin e ngushtë mes dy vendeve tona dhe projektet e përbashkëta për demokratizim dhe zhvillim.
Derisa, Gërvalla ka theksuar përkushtimin e Kosovës për avancimin drejt integrimeve euroatlantike dhe fuqizimin e subjektivitetit ndërkombëtar të Kosovës.
Madje, ajo ka shprehur mirënjohjen ndaj ShBA-së për mbështetjen e vazhdueshme ndaj Kosovës.
“Në takimin e rregullt me Ambasadorin e SHBA-së në Kosovë, z. Jeffrey Hovenier, diskutuam për partneritetin e ngushtë mes dy vendeve tona dhe projektet e përbashkëta për demokratizim dhe zhvillim. Theksova përkushtimin e Kosovës për avancimin drejt integrimeve euroatlantike dhe fuqizimin e subjektivitetit ndërkombëtar të Kosovës. Shpreha gjithashtu mirënjohje për mbështetjen e vazhdueshme të SHBA-së, si një partner kyç në paqen dhe sigurinë në rajon dhe Evropë”, ka shkruar Gërvalla.