Shërbimi Korrektues i Kosovës ka njoftuar se në Departamentin për Siguri në bashkëpunimin me Njësitin e Inteligjencës së SHKK-së në Qendrën Korrektuese të Dubravës kanë arritur të parandalojnë futjen e kontrabandës brenda kësaj qendre.
Në njoftimin e Shërbimit Korrektues të Kosovës thuhet se me të pranuar informacionin, ka reaguar menaxhmeti i QKD-së, i cili ka ndërmarrë veprimet e nevojshme.
SHKK njofton se gjatë kontrollit të detajuar brenda hapësirave të Automjetit Transportues në mënyrë të kamufluar janë tentuar të futen brenda Qendrës Korrektuese të Dubravës 748 gr substancë e dyshuar narkorike, 11 telefona mobil, tetë kabllo të adapterëve, dy koka të adapterëve, 5×20 tableta të dyshuara të llojit DBOLMAX dhe 212 tableta të dyshuara si ekstazi.
“Lidhur me rastin është njoftuar policia, ndërsa SHKK ka filluar hetimet dhe shumë shpejt do të dal me një raport të detajuar”, thuhet në njoftimin e Shërbimit Korrektues të Kosovës(SHKK).
Tutje në këtë thuhet se Shërbimi Korrektues i Kosovës mbetet i përkushtuar në luftimin kontrabandës brenda institucioneve korrektuese.