Ministria e Jashtme e Gjermanisë e ka mirëpritur liberalizimin e vizave për qytetarët e Kosovës, duke e cilësuar si hap të rëndësishëm që i afron njerëzit në Evropë.
Përmes një postimi në X, kjo ministri tha se liberalizimi qytetarëve të Kosovës u mundëson të udhëtojnë pa viza për qëndrime afatshkurtra në BE.
“Një hap tjetër i rëndësishëm që i afron njerëzit në Evropë: Liberalizimi i vizave për Kosovën më në fund u mundëson të gjithë qytetarëve kosovarë të udhëtojnë pa viza për qëndrime të shkurtra në BE/zonën Shengen”, thuhet në reagimin e ministrisë.
Nga një janari i vitit 2024, qytetarët e Kosovës do të mund të udhëtojnë pa viza në zonën Shengen.