Policia e Kosovës ka bërë të ditur se një person kishte kërkuar ndihmë mjekësore ne emergjencën e spitalit në Gjilan, si pasojë e një aksidenti trafiku. Por, gjatë ekzaminimit mjekësor, është vërejtur se pacientit i kishte rënë nga rrobat një substancë e dyshuar narkotike e llojit kokainë.
Më tej, në njoftimin e policisë thuhet se prokurori kujdestar nuk ka marrë vendim për ndalimin e të dyshuarit për shkak te natyrës së lëndimeve trupore tek i dyshuari.
“Gjilan, 26.08.2023-20:15. I dyshuari mashkull kosovar kishte kërkuar ndihmë mjekësore në Emergjencën e spitalit si pasojë e lëndimeve te pësuar në një aksident trafiku. Gjatë ekzaminimit mjekësor, është vërejtur se pacientit i kishte rënë nga rrobat një substancë e dyshuar narkotike e llojit kokainë. Njësia policore në vendin e ngjarjes ka konfiskuar substancën narkotike, e cila pas matjes ka rezultuar me peshë 15.4 gramë. Lidhur me rastin, prokurori kujdestar nuk ka marrë vendim për ndalimin e të dyshuarit për shkak te natyrës së lëndimeve trupore tek i dyshuari. Rasti nën hetime”, thuhet në raportin e policisë.