Gjoni Palokaj gati për sfidën vendimtare më 17 janar në OKTAGON MMA

Luftëtari shqiptar Gjoni Palokaj vazhdon ngjitjen e fuqishme në OKTAGON MMA dhe tashmë ndodhet përballë një prej dueleve më të rëndësishme të karrierës.

Më 17 janar 2026, në PSD Bank Dome në Düsseldorf, ai do të përballet me britanikun James Hendin në peshën featherweight, përpara rreth 20 mijë shikuesve, njofton Dukagjini.

Palokaj, me prejardhje nga Velezha i Prizrenit dhe i rritur në Gjermani, është aktualisht i renditur i gjashti në divizion, ndërsa Hendin mban pozitën e shtatë. Kjo përballje shihet si vendimtare për hyrjen në Top 5 të kategorisë dhe për një hap të madh drejt majës së organizatës.

Me bilanc prej 13 fitoresh dhe 3 humbjesh, si dhe një seri prej 7 fitoresh radhazi, Palokaj po konfirmohet si një nga luftëtarët më të rrezikshëm të OKTAGON, falë stilit agresiv dhe aftësisë për t’i përfunduar ndeshjet para kohe.

Sfida e 17 janarit pritet të jetë test i madh për shqiptarin, i cili synon të vazhdojë ngjitjen në OKTAGON dhe t’i afrohet ëndrrës për të garuar një ditë në UFC.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika