Një 74-vjeçar ka humbur jetën në Skenderaj këtë të martë pasi është goditur nga një veturë.
Rastin për Dukagjinin e ka konfirmuar edhe zënëdhënësi i Policisë për rajonin e Mitrovicës së Jugut, Avni Zahiti.
“Rreth orës 21:10, në rrugën “Azem Bejta” në Skenderaj, ka ndodhur një aksident trafiku ku janë përfshirë një veturë dhe një këmbësor. Si pasojë e aksidentit në vendin e ngjarjes ka humbur jetën këmbësori, rreth 74-vjeçar”.
Zahiti, mes tjerash, bëri të ditur se njësitë relevante kanë nisur hetimet për këtë rast.
“Drejtuesi i automjetit është shoqëruar në Stacion Policor për procedura të mëtejme. Njësitet relevante policore, përfshirë hetuesit e aksidenteve të trafikut, kanë dalë në vendin e ngjarjes dhe janë duke zhvilluar hetime për të sqaruar shkaqet dhe rrethanat e këtij aksidenti”, deklaroi Zahiti.