Një person i maskuar nën kërcënimin e armës së zjarrit ka grabitur një shumë të parave në një këmbimore në rrugën “Sali Qeku” në Ferizaj.
Rastin për Portalin Dukagjini e ka konfirmuar zëdhënësi i policisë për këtë rajon, Kanun Veseli.
“Menjëherë ekipe të policisë, policë të rendit, hetues të stacionit, si dhe hetuesit dhe krimteknikët rajonalë kanë dalë në vendin e ngjarjes dhe janë marrë masat e nevojshme të hetimit për identifikimin dhe kapjen e të dyshuarit e kësaj ngjarjeje”, ka thënë Veseli.
Ai tha se në momentin e grabitjes ka qenë duke punuar një punëtor i moshës 30-vjeçar. Nuk raportohet për lëndime.
“Me datën 27.03.2024 rreth orës 12:20 kemi pranuar një informacion se në një këmbimore, e cila gjendet ne rrugën ‘Sali Qeku’ në Ferizaj, dyshohet se një person i maskuar dhe nën kërcënimin e armës së zjarrit (pistoletë) arrin të marrë (grabitë)një shumë të caktuar të parave dhe të largohet në drejtim të panjohur. Menjëherë ekipe të policisë, policë të rendit, hetues të stacionit, si dhe hetuesit dhe krimteknikët rajonalë kanë dalë në vendin e ngjarjes dhe janë marrë masat e nevojshme të hetimit për identifikimin dhe kapjen e të dyshuarit e kësaj ngjarjeje”, shtoi Veseli.
Veseli më tej potencoi se “Për të gjitha këto veprime është njoftuar edhe prokurori kujdestar nga Prokuroria Themelore në Ferizaj. Në momentin e grabitjes ka qenë duke punuar një punëtor, i moshës 30 vjeçar dhe nuk raportohet për lëndime. Dyshohet se janë grabitur rreth 30 mijë euro. Për informata tjera do të njoftoheni me kohë”, ka deklaruar ai.