Policia e Kosovës ka bërë të ditur se ka ndodhur një grabitje e armatosur në Vushtrri.
Siç njofton Policia përmes raportit të saj 24 orësh, viktima ka raportuar se dy persona të panjohur, të maskuar nën kërcënimin e armës e kishin sulmuar fizikisht dhe ia kishin marrë telefonin celular dhe kuletën, në të cilën, kishte pasur dokumente personale dhe para të gatshme.
“GRABITJE E ARMATOSUR
Vushtrri 03.12.2023 – 23:50. Viktima mashkull kosovar ka raportuar se dy persona të panjohur, të maskuar nën kërcënimin e armës e kishin sulmuar fizikisht dhe ia kishin marrë telefonin celular dhe kuletën, në të cilën, kishte pasur dokumente personale dhe para të gatshme. Viktima si pasojë e sulmit ka pësuar lëndime dhe ka pranuar tretman mjekësor. Në vendin e ngjarjes kanë dalë njësitet relevante policore dhe janë duke e hetuar rastin për të cilin është njoftuar prokurori”, thuhet në raport.