Ndryshe me qëndrimin zyrtar të Partisë Demokratike të Kosovës (PDK), deputeti Përparim Gruda ka marrë pjesë në seancën e jashtëzakonshme të Kuvendit, e cila u cilësua si jolegjitime dhe antiligjore.
PDK-ja, bashkë me partitë e tjera opozitare, kanë njoftuar se nuk do të marrin pjesë në seancën e parë të thirrur për sot, duke e konsideruar atë si shkelje të rregullave parlamentare dhe të rendit kushtetues.