Ish-deputeti i VV-së, Haki Abazi, simbolikisht hap “të pame”, siç thotë, për vdekjen klinike të Kuvendit dhe Qeverisë së Kosovës.
Deputeti Haki Abazi ka akuzuar Qeverinë Kurti, duke thënë se Kurti ka manipuluar e mashtruar me fatin e qytetarëve të Kosovës.
“Përgatitja e dërgimit të statutit të Zajednicës, tregon që Kurti ka manipuluar me fatin e Kosovës”
E sot, sipas tij, do të duhej që të flitej për “dredhitë”, sa i përket çështjes së anëtarësimit në KiE.
“Sot do duhej të diskutohej në detaje dredhitë e Kurtit për çështjen e anëtarësimit në KiE, dhe në vend se të bëhet kjo gjë brenda parlamentit siç është bërë zakon që të margjinalizohet e të ngulfatet debati demokratik, ai ka nisur një process të shpalljes së zgjedhjeve të parakohshme, duke manipuluar me PDK-në fatkeqësisht,” tha Abazi.
Abazi, demokracinë e Kosovës po e quan autokraci totale, të shndërruar nga vetë qeveria.
“Sot e patë që ai po e dërgon statutin e Asocicacionit të Zajednicës në Gjykatën Kushtetuese, do të thotë ideja e manipulimit e mashtrimit që e ka karakterizu këtë trevjeçar ka qenë margjinalizimi, ngulfatja e kuvendit, zëri deputetëve, mosardhja e mospërgjigjja e kryeministrit Kurti dhe ministrave në pyetjet e deputetëve, duke e shndërruar demokracinë e Kosovës në një autokraci totale.”
“Përgatitja e dërgimit të statutit të Zajednicës në Gjykatë Kushtetuese, tregon që Kurti ka manipuluar me fatin e Kosovës”
Si deputetë, Abazi tha se nuk mund të rrinë të heshtur e të manipuluar “nga Kurti e Dejona Mihajli, përderisa vendit i hiqen copat e sovranitetit dhe integritetit kushtetues.”