“Gjykata Kushtetuese po pengon jetësimin e reformave”.
Kësaj deklarate të ministres së Drejtësisë, Albulena Haxhiut, i ka reaguar zëdhënësja e LDK-së, Sibel Halimi.
Sipas Halimit, nëse quhet “pengesë” Kushtetuesja mund te ketë tenda për deformim dhe nënshtrim të shoqërisë.
“Është absurde që Ministrja Haxhiu të merret me të kaluarën e pengesat, ndërkohë që një mandat i tërë qeverisës po shkon drejt fundit, pa realizuar asnjë reformë të vetme. Nëse mund ta quajmë ‘pengesë’ Gjykatën Kushtetuese, e cila i ka kthyer mbrapsht ligjet dhe amendamentet e keqformuluara, të cilat ndeshen me konstruksionin juridik ndërkombëtar dhe vendor, atëherë po flasim për një tendencë për deformim dhe nënshtrim të gjithë shoqërisë ndaj diktatit të partisë në pushtet dhe paaftësisë së tyre për të qeverisur”, ka shkruar Halimi në Facebook.