Sot, në Ditën Ndërkombëtare të Librit, u theksua rëndësia e lektyrave shkollore si mjete të fuqishme për formimin e shoqërisë dhe edukimin e brezave të ardhshëm
Drejtoresha e Kulturës, Sibel Halimi, theksoi se zgjedhja e literaturës që mbështet barazinë dhe sfidon normat e dëmshme është thelbësore për një edukim gjithëpërfshirës dhe të drejtë
“Sot shënuam Ditën Ndërkombëtare të Librit përmes një shqyrtimi kritik të lektyrave shkollore, duke vënë në qendër rolin e tyre në emancipimin shoqëror. Lektyrat nuk janë thjesht mjete mësimore, por pasqyrojnë vlerat që një shoqëri u transmeton brezave. Zgjedhja e literaturës që promovon barazinë gjinore dhe sfidon stereotipat është thelbësore për një edukim të drejtë dhe gjithëpërfshirës.
Qasja kritike ndaj teksteve ndihmon në dekonstruktimin e normave të dëmshme dhe nxit ndërtimin e një shoqërie më të hapur e reflektuese. Drejtoria për Kulturë ka mbështet projektin hulumtues të organizatës ETEA duke besuar se emancipimi kulturor dhe edukativ ecin bashkë — dhe transformimi fillon me fjalën e shkruar, ka shkrua Halimi në Facebook.