Zëdhënësja e Lidhjes Demokratike të Kosovës(LDK), Sibel Halimi, ka reaguar pas deklaratave të kryeministrit Kurti, se e pranon propozimin evropian për normalizimin e marrëdhënieve ndërmjet Kosovës dhe Serbisë.
Halimi ka thënë se është e detyrueshme dhe obligative që kryeministri Kurti të raportojë në Kuvend, sepse, sipas saj, “Kosova është shtet parlamentar”.
“Transparenca nuk do të duhej të mbetet peng i vullnetit të partisë në pushtet, është e detyrueshme dhe obligative që kryeministri të raportojë në Kuvend, para të zgjedhurve të popullit, duke qenë se Kosova është shtet parlamentar”, ka shkruar Halimi.
Zëdhënësja e LDK-së ka shtuar se deklarata e kryeministrit Kurti që propozimi franko – gjerman është pranuar nga ana e tij, tregon “për një qasje personale e jo agjendë shtetërore, prandaj Qeveria është mbyllur hermetikisht për publikun, dhe për pasojë po shkakton mosbesim e mëdyshje”.