Edhe në komunën e Mitrovicës, si pasojë e vërshimeve nga reshjet e shiut, situata është e tejet e rënduar.
Kryetari i Komunës së Mitrovicës, Bedri Hamza, ka thënë për Dukagjinin se deri tani janë evakuuar një “numër i konsiderueshëm” i familjeve, numër i cili vazhdon të rritet.
“Jemi duke evakuuar shumë familje. Është numër i konsiderueshëm i të evaukuuarve, ato vetëm po rriten. Kemi angazhuar të gjitha kapacitetet tona, policinë, zhytësit dhe zjarrfikësit, të gjithë por është aq sasi e madhe e ujit që është vështirë e menaxhueshme”, ka thënë Hamza.
Po ashtu, ai ka deklaruar se gjendja është alarmante dhe shqetësuese, pasi lumenjtë kanë dalë nga shtrati, janë vërshuar shumë fshatra, por edhe pjesë të qytetit.
Pas reshjeve të pandërprera në disa zona në Kosovë kanë ndodhur vërshime. Situata është përkeqësuar në disa komuna, përfshirë, Skenderajn, Drenasin, Pejën, Klinën, dhe Podujevën.