Pas bllokimit të shkaktuar nga vërshimet, aksi rrugor Drenas-Komoran është sërish i kalueshëm për automjetet.
Lajmi është konfirmuar nga kryetari i Komunës së Drenasit, Ramiz Lladrovci, i cili bëri të ditur se rënia e nivelit të ujit ka krijuar kushte për lehtësimin e qarkullimit në këtë segment të rëndësishëm rrugor.
“Rruga Drenas-Komoran është lehtësuar për qarkullim, aktualisht niveli i ujit ka rënë dhe është e kalueshme.
Ftoj qytetarët për kujdes dhe respektim të shiritëve për ndalim të qarkullimit në disa rrugë dhe pranë urave.
Falënderoj qytetarët për respektim të urdhërave të organeve kompetente dhe kontribuesit për lehtësimin e gjendjes në këto vërshime të përmasave të mëdha në komunën e Drenasit”, ka shkruar Lladrovci.