Kryetari i Aleancës për Ardhmërinë e Kosovës (AAK), Ramush Haradinaj ka thënë se roli udhëheqës i Shteteve të Bashkuara të Amerikës në dialogun mes Kosovës dhe Serbisë dhe garancia e tyre për marrëveshjen gjithëpërfshirëse me njohje reciproke, sipas Hradinaj janë shumë të rëndësishme për Kosovën.
Kryetari i AAK-së shtoi se së bashku me qytetarët e Gjilanit kanë bashkëbiseduar edhe për qeverisjen në vend, krizën ekonomike dhe energjetike dhe për problemet lokale të Komunës së Gjilanit.
“Gjilanasit më treguan edhe për problemet e tyre lokale, shqetësimin e thellë për ndërprerjen e projekteve kapitale të nisura që para vitit 2019”, shkruan Haradinaj në Facebook.
Ramush Haradinaj ka vlerësuar se gjatë kohës kur ishte kryetar qeverie, Ligji i Pagave ishte i dyti sipas rëndësisë duke iu referuar krizës në arsim.
Kreu i AAK-së Ramush Haradinaj ka kërkuar nga Qeveria të plotësojë kërkesat minimale të sindikatave dhe të sjellë për miratim Ligjin e Pagave.