Kryetari i Aleancës për Ardhmërinë e Kosovës, Ramush Haradinaj, vlerëson se çdo veprim që po ndodhë në veri të vendit po ka konotacion të sigurisë.
Sipas tij, “qasja e Kurtit është humbëse”.
Në emisionin “Debat Plus”, në RTV Dukagjini, Haradinaj ka folur për kërkesat e Listës Serbe. Ai ka treguar se sa mund të dëmtohet Kosova nga tërheqja e policisë nga veriu, nga shpallja e zgjedhjeve të reja dhe themelimi i Asociacionit.
“Këtu kemi ardhur prej një kryeministri nuk është në rregull, ne nuk kemi kryeministër. Pse erdhi situata kështu, për shkak se kemi një kryeministër amator ose që i shërben agjendave të tjetër kujt jo të vendit të vet. Defender 2023 nuk ka qenë sanksion për Kurtin, por ndaj vendit tënd, ushtrisë tënde, këto i ke dhuratë nga Kurti”.
Ai është shprehur pro zgjedhjeve të reja në veri të vendit.
“Sa i përket kërkesës për largim të policisë nga veriu, mendoj që në objekte komunale mundet të ruajë ndonjë polic i zakonshëm. Kërkesa e Listës serbe është që të tërhiqet krejt policia, unë do ta shqyrtojë këtë kërkesë në dy pjesë, sa i përket komunës ka logjikë, por nuk besoj që kjo kërkesë është në tërësi të largohet nga veriu sepse nuk duhet të ndodhë ashtu, nuk bën të ndodhë. Sa i përket zgjedhjeve, unë jam pro zgjedhjeve, me pjesëmarrje por duhet me ua dorëzu me pas dakordimin e amerikanëve, por jo të shkojnë në kryenëveti, nuk funksionon ashtu. Sa i përket asociacionit, nuk është fajtor Kurti për Asociacionin, është trashëgimi prej qeverive të mëparshme, duhet t’i gjendet një zgjidhje Asociacionit por kushtetuese”, ka thënë ai.