Kryetari i Aleancës për Ardhmërinë e Kosovës, Ramush Haradinaj, ka pritur në takim ambasadorin e ri të Mbretërisë së Bashkuar në Kosovë, Jonathan Hargreaves.
Gjatë këtij takimi, Haradinaj ka kërkuar mbështetjen e mëtutjeshme të Mbretërisë së Bashkuar në përkushtimin e Kosovës për të qenë pjesë e NATO-s.
“Pata kënaqësinë ta pres në takim njoftues ambasadorin e ri të Mbretërisë së Bashkuar në Kosovë, z. Jonathan Hargreaves. Kërkova mbështetjen e tij dhe të Mbretërisë së Bashkuar në përkushtimin tonë për të qenë pjesë NATO-s”, ka shkruar Haradinaj në Facebook.
Duke e uruar për detyrën e re, ambasadorin Hargreaves, Haradinaj e falënderoi për kontributin e vazhdueshëm dhe të jashtëzakonshëm që e ka dhënë Mbretëria e Bashkuar për lirinë, pavarësinë dhe zhvillimin e Kosovës.
Njëherësh, ai vlerësoi rolin jetik të Mbretërisë së Bashkuar në sigurinë e Kosovës.