Haradinaj uron Ukrainën për Ditën e Pavarësisë: E kuptojmë më së miri luftën e popullit ukrainas

Me anë të një postimi në Facebook, kryetari i AAK-së Ramush Haradinaj ka deklaruar se rrugët e lirisë së Kosovës dhe Ukrainës mbesin të ngjajshme e për rrjedhojë, edhe urimet mbesin të përzemërta

I pari i AAK-së, Ramush Haradinaj i ftuar në Debat Plus

Kryetari i Aleancës për Ardhmërinë e Kosovës (AAK), Ramush Haradinaj, ka uruar shtetin ukrainas në përvjetorin e Pavarësisë së vendit gjersa ka deklaruar se më së miri me ta bashkëndjen Kosova.

Me anë të një postimi në Facebook, Haradinaj ka deklaruar se rrugët e lirisë së dy vendeve mbesin të ngjashme e për rrjedhojë, edhe urimet mbesin të përzemërta.

“Ukrainë, gëzuar Dita e Pavarësisë! Kosova dhe populli i saj e kupton më mirë se kushdo tjetër luftën e popullit të Ukrainës për liri e për mbrojtje të shtetit, prandaj jemi rreshtuar përkrah botës demokratike në mbrojtje të vlerave universale të lirisë, që sot me aq vendosmëri po i mbron populli ukrainas. Kur rrugët e lirisë dhe fatet janë të ngjashme, edhe urimet janë të përzemërta!”, ka shkruar Haradinaj.

Ky i fundit ka uruar një fitore të Ukrainës në luftën me Rusinë.

Çdo vit, data 24 gusht, për nder të miratimit të Aktit të Pavarësisë së Ukrainës nga Parlamenti i Republikës Socialiste Sovjetike të Ukrainës, “Verkhovna Rada”, kujtohet si ajo e formimit të shtetit të Ukrainës në formën e tij moderne.

Një nga hapat e parë drejt pavarësisë ishte miratimi i Deklaratës së Sovranitetit Shtetëror të Ukrainës nga Verkhovna Rada, më datë 16 korrik 1990.

Ky dokument është i një rëndësie të veçantë.

Edhe pse deklarata nuk do të shpallte Pavarësinë e Ukrainës, ajo do ta përcaktonte atë si një shtet-komb sovran, sovraniteti i të cilit shtrihej në të gjithë territorin e vendit dhe në të gjitha sferat e shoqërisë ukrainase.

Pavarësisht se Ukraina mbeti pjesë e Bashkimit të Republikave Socialiste Sovjetike, pas shpalljes së Deklaratës së Sovranitetit të Shtetit, nëpërmjet këtij dokumenti, do të demonstrohej vullneti i popullit ukrainas për pavarësi.

Po ashtu, do të ishte shtysa për fillimin e proceseve, të cilat përfunduan më 24 gusht 1991. Datë kur Parlamenti i Republikës Socialiste Sovjetike të Ukrainës do të miratonte Aktin e Pavarësisë së Ukrainës.

Për të parën herë, Dita e Pavarësisë së Ukrainës do të festohej jo më 24 gusht, por më 16 korrik (Festimi i Ditës së Pavarësisë së Ukrainës u caktua për 24 gusht, sipas rezolutës të miratuar nga Verkhovna Rada të Ukrainës, më 20 shkurt 1992).

Fakti është se më datë 16 korrik 1990, kur Verkhovna Rada e Republikës Socialiste Sovjetike të Ukrainës miratoi Deklaratën për Sovranitetin Shtetëror të Ukrainës.

Për të siguruar ekzistencën sovrane të Ukrainës, ishte e nevojshme të miratoheshin një sërë ligjesh të rëndësishme për: “Kufirin Shtetëror të Ukrainës”; “Forcat e Armatosura të Ukrainës”, “Themelimin Kombëtar të Shërbimit të Sigurisë” dhe të tjerë në periudhën 1991-1992.

Po ashtu, u miratuan simbolet kombëtare – himni, stema (trident, si stemë e vogël e Ukrainës) dhe flamuri.

Pas 1 dhjetorit 1991, filloi procesi i njohjes ndërkombëtare të shtetit të ri.

Vendi i parë që e njohu Ukrainën si të pavarur ishte Polonia, duke krijuar marrëdhënie diplomatike më 2 dhjetor të po këtij viti.

Gjatë 12 muajve të parë të ekzistencës si shtet sovran, pavarësia e Ukrainës u njoh nga më shumë se 130 kombe.

Në fillim të vitit 2001, vendosi marrëdhënie diplomatike me 153 vende të botës.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika