Juristi Bardhyl Hasanpapaj ka folur lidhur me udhëzimin që është nënshkruar për zbatimin e marrëveshjeve të viteve 2013 dhe 2015 për energjinë, ku e ka arsyetuar kryeministrin Albin Kurti, se marrëveshja e nënshkruar të martën e 21 qershorit në Bruksel, është më e kuptueshme se ajo e vitit 2015.
Tutje, ai ka thënë se vetë fakti se ka pranuar që të ketë marrëveshje me KOST-in dhe KEDS-in, është se ajo në mënyrë të tërthortë është pronë e kësaj.
“Kjo e marrëveshje e ka limituar në katër lloje shërbimesh, dhe nuk i ka dhënë hapësirë për ndonjë shërbim tjetër, përveç nënkontraktimit” ka thënë Hasanpapaj në “Debat Plus” me Ermal Pandurin në RTV Dukagjini.
Sipas tij, në marrëveshjen e vitit 2015, nuk është ditur se a i jep KOSTIT qasje në Vallaq apo Elektroserverit, apo anasjelltas, sepse gjuha e përdorur në atë marrëveshje ishte e dykuptimshme.
Ndërsa, në këtë marrëveshje “, KOSTI dhe KEDS-i do të kenë qasje në Vallaqin” ka thënë ai.
Ndërkohë, ish-zëvendëskryeministri i Kosovës, Dardan Gashi, i ka thënë se “ Kryeministri Albin Kurti e ka nënshkruar një marrëveshje që kishte kundërshtuar, këtu është problemi”.
Sipas, Gashit, Kurti të njëjtën e marrëveshje e kishte quajtur tradhëti.
Ndërsa, Hasanpapaj ka vazhduar që ta sqarojë aspektin legal se ku dallojnë marrëveshjet nga ajo e kaluara, duke i argumentuar me tri fakte.
“Elektroserveri me këtë marrëveshje është bërë nënkontraktor i KOST-in, për shfrytëzimin e infrastrukturës. Kjo është fakt që sipas tij, që është bërë pronë e Kosovës dhe jo e Serbisë”, ka deklaruar ai.
Tutje, ai ka thënë se edhe fakti i dytë është limitimi në katër shërbime që është tipike për nënkontraktim siç janë , “Faturimi, mirëmbajtja e rrjetit, kyçja e konsumatorëve të rinj, inkasomini vetëm këto ka të drejtë të bëjë dhe asgjë më shumë”
Ndërkaq, pikë e tretë, sipas tij, është pozitive për të sepse gjuha jurdikie që është përdorur në marrëveshje i ka mundësuar Kosovës që të shtrijë sovranitetin në Vallaq.