Kryetarja e Kuvendit, Albulena Haxhiu, ka kujtuar sot 24 marsin e vitit 1999, ditën kur NATO nisi bombardimet ndaj caqeve ushtarake dhe policore serbe.
Në një postim në Facebook, Haxhiu thekson se ndërhyrja e NATO-s dhe qëndresa e Ushtrisë Çlirimtare të Kosovës për 78 ditë ndryshuan rrjedhën e historisë së vendit, duke ndihmuar në ndalimin e dhunës dhe spastrimit etnik të shqiptarëve nga regjimi i Millosheviqit.
Ajo ka shprehur mirënjohje për rolin vendimtar të NATO-s, sakrificën e UÇK-së dhe të gjithë atyre që kontribuuan për lirinë e Kosovës, duke nënvizuar se vendi është gjithmonë falënderues për mbështetjen e miqve dhe aleatëve ndërkombëtarë në momentet më të vështira.