Ministrja e Drejtësisë, Albulena Haxhiu, deklaroi në Radio Dukagjini se ajo nuk ka thënë se “anëtarësimi në Këshillin e Evropës i hap rrugë padisë për gjenocid ndaj Serbisë”, siç u raportua në disa medie dhe nga opozita.
Deklaratat ministrja i bëri në një intervistë dhënë Radio Dukagjinit, ku shtoi se anëtarësimi në KiE u hap rrugë qytetarëve të Kosovës të kërkojnë drejtësi për krimet që Serbia i ka kryer në Kosovë.
Në intervistë Haxhiu foli edhe për punën e Institutit për Krimet e Luftës, ku tha se përmes tij qytetarët do të mund të ngrenë padi individuale për krime lufte.