Sekretari i Mbrojtjes i Shteteve të Bashkuara të Amerikës, Pete Hegseth, ka deklaruar se Irani do të përballet me “fuqi dërrmuese ushtarake” nëse përpiqet të pengojë operacionin “Projektin Liria” në Ngushticën e Hormuzit.
Duke folur në një konferencë për media në Pentagon, Hegseth tha se SHBA “nuk po kërkon konflikt”, por theksoi se Irani nuk mund të lejohet të bllokojë vendet dhe mallrat e tyre në një rrugë ndërkombëtare detare.
Ai bëri të ditur se operacioni “Projektin Liria” ka për qëllim mbrojtjen e anijeve tregtare nga, siç u shpreh, “agresioni iranian”, duke shtuar se ky është një mision i përkohshëm.
Hegseth e cilësoi bllokimin e Ngushticës së Hormuzit nga Irani si një formë “shantazhi ndërkombëtar” dhe e quajti atë të papranueshëm.
Ai shtoi se dy anije tregtare amerikane kanë kaluar me sukses nëpër këtë zonë, duke theksuar se kjo tregon se korridori i lundrimit është i hapur.
Sekretari amerikan i mbrojtjes u bëri gjithashtu thirrje vendeve të tjera që të kontribuojnë në përpjekjet për rihapjen e Ngushticës së Hormuzit.