Kryetari i Komisionit Qeveritar për Personat e Zhdukur, Andin Hoti, pas miratimit të Deklaratës për të Zhdukurit mes kryeministrit Kurti dhe presidentit Vuçiq, ka thënë se Serbia më në fund ka pranuar krimet që i kishte kryer gjatë luftës.
“Serbia për herë të parë pranoj përmes një dokumenti zyrtar, ti hap arkivat e saj shtetërore, përfshirë edhe ato të klasifikuara”, ka shkruar Hoti.
Hoti ak thënë tutje se është “i bindur se deklarata e miratuar është vetëm hapi i parë që kërkon domosdoshmërisht mbikëqyrje dhe presion të vazhdueshëm të SHBA-ve e BE-së mbi Serbinë, për zbatimin obligimeve të marra, deri në zbardhjen e fatit të personit të fundit të zhdukur në Kosovë”.
Kryetari i Komisionit Qeveritar për Personat e Zhdukur ka theksuar se ndjen keqardhje për disa raportime të mediave, të cilat ai i quan si fyese e tendencioze më 4 prill, kur është harmonizimi i deklaratës.
“Besoj që sot ndihen të turpëruar, jo para meje, por para të gjithë atyre familjarëve të personave të zhdukur, që i kanë trazuar pamëshirshëm për interesa të ngushta, e besa edhe për të mbajtur quditërisht anën e Serbisë (duke i cituar fjalët e Petkoviç). Përdorimi i çështjes më të ndjeshme në Kosovë për politika ditore e interesa të ngushta, është jo vetëm i papranueshëm, por edhe i turpshëm”, ka shkruar pos tjerash Andin Hoti.