Ambasadori i Shteteve të Bashkuara të Amerikës (ShBA) në Kosovë, Jeff Hovenier, ka thënë se rastet e fundit të vrasjeve si dhe ato të dhunës në familje theksojnë nevojën urgjente për më shumë punë për të parandaluar dhunën ndaj grave dhe vajzave.
Në një postim në rrjetin social “X”, Hovenier ka thënë se duhet të ndërtohet një shoqëri ku çdo individ mund të jetojë pa frikë dhe pa u lënduar.
“Sot, ne qëndrojmë me popullin e Kosovës në Ditën Kombëtare të Zisë, duke nderuar dhe kujtuar viktimat e femicidit dhe të gjitha gratë kosovare që janë viktima të dhunës në familje. Vrasjet dhe aktet e fundit e dhunës në familje nënvizojnë nevojën urgjente për të bërë më shumë për të trajtuar dhe parandaluar të gjitha format e dhunës ndaj grave dhe vajzave. Ne duhet të përpiqemi të ndërtojmë shoqëri ku çdo individ mund të jetojë pa frikë dhe pa u lënduar”, ka shkruar Hovenier në “X”.
Sot është ditë zie në Kosovë në kujtim të vajzave dhe grave të vrara dhe me këtë rast Ambasada Amerikane ka vendosur flamurin në gjysëmshtizë.
Today, we stand with the people of Kosovo in observing a National Day of Mourning, honoring and remembering femicide victims and all Kosovan women who are victims of domestic violence. The recent murders and acts of domestic violence underscore the urgent need to do more to… pic.twitter.com/OGGDtYR86Z
— Ambassador Jeff Hovenier (@USAmbKosovo) April 17, 2024