Ambasadori i Shteteve të Bashkuara të Amerikës (SHBA), Jeff Hovenier, ka vizituar shtëpinë e djegur, të sapondërtuar, të një qytetari serb të Kosovës.
Me anë të një videoje të publikuar në Twitter nga shtëpia në fjalë, Hovenier ka deklaruar se e dënon një sulm të tillë.
“Kjo shtëpi në Istog ka pësuar një zjarrvënie kriminale. E vizitova për ta parë vetë, me lejen e familjes, e cila synonte të kthehej në pronën e tyre. Unë e dënoj këtë sulm me zjarrvënie dhe këtë përpjekje për të frikësuar një familje që të mos ushtrojë të drejtën e tyre për t’u kthyer në shtëpinë e tyre”, ka deklaruar ai.
This home in Istok/g suffered a criminal arson attack. I visited to see it myself, with the permission of the family, who intended to return to their property. I condemn this arson attack, and this effort to intimidate a family from exercising their right to return to their home. pic.twitter.com/RsYhRrKioP
— Ambassador Jeff Hovenier (@USAmbKosovo) July 11, 2023
Hovenier u ka bërë thirrje autoriteteve të Republikës së Kosovës për të identifikuar përgjegjësit e incidentit.
Lidhur me këtë, ka reaguar edhe Misioni i OSBE-së në Kosovë.
Në një komunikatë, Misioni i OSBE-së e ka dënuar sulmin me zjarrvënie ndaj një shtëpie të sapondërtuar të një të kthyeri serb të Kosovës në Veriq, duke u bërë thirrje organeve të rendit që ta hetojnë rastin dhe autorët të vihen para drejtësisë.