Analisti Ylli Hoxha, në emisionin Debat Plus me Ermal Pandurin në RTV Dukagjini, ka thënë se kryeministri i Kosovës Albin Kurti, zakonisht në qeverisjen e tij polarizon me partitë si Partia Demokratike e Kosovës (PDK) e Aleanca për Ardhmërinë e Kosovës (AAK), e më pak me Lidhjen Demokratike të Kosovës (LDK).
Ndërsa, iu drejtua deputetit nga radhët e LDK-së Kujtim Shala, se kjo është shenjë interesante që duhet lexuar më ndryshe, e një mëndim i tillë i Hoxhës erdhi pas kritikave që Shala pati për qeverinë Kurti.
“Pajtohem që strategjia që ka ndjekë LDK-ja ka qenë e duhur në mosdhënien e mundësisë për polarizim të skejshëm i cili shkon në favor të LVV-së, sepse e tillë është ndërtuar prej fillimit LVV-ja. Mirëpo edhe kur ndërton polarizim Kurti, zakonisht polarizimin e bën me eksponentë më shumë të PDK-së e të AAK-së sesa me të LDK-së, kjo është një shenjë interesant që duhet ta lexoni më ndryshe”, ka deklaruar Hoxha.
Por, sipas Hoxhës propozimet e LDK-së janë të mira por që ecin në mënyrë të heshtur.
“Unë i kam dëgjuar propozimet e LDK-së, disa prej tyre janë shumë të mira, kanë qenë propozime të duhura por kanë shkuar me një zë të heshtur”, ka vijuar Hoxha.
Tutje, Hoxha ka kritikuar se qeveritë e kaluara kanë pasur ngërçe politike, e të cilat sipas tij qeveria e Kurtit nuk është e interesuar t’i vazhdojë, theksi i veçantë këtu qëndron tek asociacioni i komunave me shumicë serbe.
“Aty ku e shoh unë ngërçin është burim lëshimet që janë bo në qeveritë e kalume e të cilat kjo qeveri nuk është e interesuar t’i vazhdojë, siç është asociacioni i komunave serbe. Në gjashtë muaj kemi presion që të zbatohet e kryeministri kërkon që të mos zbatohet, këtë qëndrim e kemi ditë nga fillimi. Ju si LDK keni pasur barrë sepse e keni sjellë atë vendim”, ka përfunduar Hoxha.