Deputetja e Partisë Demokratike të Kosovës (PDK), Eliza Hoxha, ka njoftuar se Ifeta Nikoqeviç është anëtare e Këshillit Kombëtar për Trashëgimi Kulturore (KKTK).
Hoxha ka bërë të ditur se e njëjta është e punësuar edhe në Ministrinë e Kulturës, Rinisë dhe Sportit (MKRS), si arkitekte në Departamentin e Trashëgimisë Kulturore.
Deputetja e PDK-së ka thënë se së bashku me të edhe motra e saj, Zineta Nikoqeviç, është e punësuar në QRKT në Prishtinë.
“Qysh ka mundësi kjo edhe me monitoru MKRS e me u pagu nga Kuvendi i Kosovës, e njëkohësisht me qenë vetë pjesë e departamentit që e monitoron. Si? Me mbikëqyrë veten?”, ka shkruar ajo.
Tutje, Hoxha është shprehur se ka kohë që KKTK më shumë “luan rolin e një OJQ-je që i rrinë në shërbim MKRS-së” sesa të ushtrojë mandatin e saj si mekanizmi më i lartë përgjegjës për trashëgimi kulturore në Kosovë.