Deputeti i Kuvendit të Kosovës, Fatmir Humolli, i cili edhe votoi kundër projektligjit për pagën minimale, ka thënë për Portali D, se është i dëshpëruar nga Lëvizja Vetëvendosje.
Kjo për shkak se deputetët e partisë në pushtet kanë votuar pro projektligjit për që i hapë rrugë rritjes së pagës minimale, ligj ky, që nuk i përfshinë edhe kategorinë e veteranëve të luftës së UÇK-së.
“U pa rezultati i koalicionit Vetëvendosje – Lista Serbe. Unë nuk jam anëtar i Vetëvendosjes. Kam qene kandidat i pavarur në listën e VV-së. Do të shoh çfarë do të ndodh në lexim të dytë. Do ta kundërshtojë fuqishëm”- ka thënë Humolli.
Ndryshe, të martën Me 68 vota për, asnjë votë kundër dhe 6 abstenime, është miratuar në parim Projektligji nr.08/L-142 për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale
I vetmi deputet i partisë në pushtet që votoi kundër ishte deputeti Fatmir Humolli, i cili edhe e lëshoi sallën pas votimit në parim të projektligjit.
Pro kishin votuar edhe Lista Serbe, të cilët pas votimit edhe ata e lëshuan sallën.
Ndërsa deputetët e grupit multietnik kanë abstenuar.
Kundër këtij ndryshimi të projektligji kanë qenë partitë opozitare LDK dhe AAK, kurse PDK-ja nuk ka marrë pjesë në seancë.
Ndërkaq, organizatat e veteranëve të luftës kishin paralajmëruar protesta dhe ‘destabilizim’ të vendit nëse kalon projektligji në fjalë.