Policia e Kosovës ka njoftuar se ka nisur hetimet për një rast, i cili është cilësuar si “Nxitje e përçarjes dhe mosdurimit”.
Një qytetar i Kosovës nga veriu i Mitrovicës, ka raportuar se disa persona të panjohur ia kanë dëmtuar veturën e tij, duke ia lënë mbishkrim mbi të “UÇK”.
Sipas tij, njëjtë kishin vepruar edhe në hyrje të ndërtesës së tij.
“Ankuesi mashkull kosovar ka informuar se nga persona të panjohur i është dëmtuar vetura e tij dhe ia kishin lënë në veturë një mbishkrim ‘UÇK’. Sipas ankuesit, edhe një mbishkrim, të njëjti i kishin vendosur në hyrje të ndërtesës së tij. Rasti është duke u hetuar”, thuhet në njoftim.
Rasti, sipas policisë, ka ndodhur të dielën.