Policia e Kosovës nëpërmjet raportit 24-orësh, ka bërë të ditur se një grua ka raportuar se është sulmuar seksualisht nga një person i gjinisë mashkullore në komunën e Lipjanit.
Në njoftimin e Policisë thuhet se personi i dyshuar nuk është arrestuar, derisa është thënë se pas intervistimit të palëve, me vendim të prokurorit rasti ka vazhduar në procedurë të rregullt.
Sipas njoftimit të Policisë, rasti në fjalë dyshohet të ketë ndodhur në muajin nëntor.
“Më 09.02.2023, viktima femër kosovare ka raportuar se para tre muajve është sulmuar seksualisht nga i dyshuari mashkull kosovar. Pas intervistimit të palëve, me vendim të prokurorit, rasti vazhdon në procedurë të rregullt”, thuhet në njoftimin e Policisë së Kosovës.