Gjykata Themelore në Prishtinë ia ka vazhduar për dy muaj paraburgimin ish-gardianit serb, Dragisha Milenkoviq.
Lajmin për Portalin Dukagjini e ka konfirmuar zëdhënësja e Gjykatës Themelore në Prishtinë, Mirlinda Gashi.
Milenkoviq akuzohet për krime lufte kundër popullatës civile, si dhe për armëmbajtje pa leje.
Në seancën e djeshme, Milenkoviq është deklaruar i pafajshëm për akuzat për krime lufte, ndërsa e ka pranuar fajësinë për armëmbajtje pa leje.
Ai dyshohet se këto krime i ka kryer mes viteve 1998-1999, kur ai punonte si gardian në burgun e Lipjanit dhe burgun e Prishtinës.