Policia e Kosovës ka kërkuar ndihmën e qytetarëve për gjetjen e 17-vjeçarit, Xhengiz Hyzeiri, në Gjilan.
Sipas njoftimit policor, i mitur është zhdukur që nga 2 janari, njofton Dukagjini.
“Xhengiz (Aliriza) Hyzeiri, i lindur më 15.07.2008, me adresë banimi në rrugën ‘Lufta e Gjilanit’, qyteti Gjilan, është shpallur person i humbur që nga data 02.01.2026, dhe deri më tani nuk dihet vendndodhja e tij. Në kuadër të veprimeve hetimore dhe përpjekjeve për gjetjen e personit, Policia e Kosovës kërkon bashkëpunimin e qytetarëve dhe mediave”, thuhet në njoftimin e Policisë.
Policia ka kërkuar që personat që kanë ndonjë informacion të lajmërohen në stacionin më të afërt policor, përmes aplikacionit digjital “Lajmëro Policinë”, përmes emailit, ose numrit kujdestar “192”.