Incident në fushatë, sulmohet me gurë autobusi i kryebashkiakut të Stambollit

Një grup njerëzish hodhën gurë në autobusin ku kryebashkiaku i Stambollit, Partia Popullore Republikane (CHP) kryesore opozitare dhe kandidati për nënpresident Ekrem Imamoglu po mbante një fjalim

Pamje nga sulmi i autobusit ku po mbante fjalim, kryebashkiaku i Stambollit, Ekrem İmamoglu, foto Duvar.

Kryetari i Bashkisë Metropolitane të Stambollit, Ekrem Imamoglu, është sulmuar me gurë nga një grup, gjersa po mbante fjalim mbi një autobus në mitingun që zhvilloi të dielën në qytetin Erzurum.

Gjatë fjalimit të tij në autobus, Imamoglu u detyrua të hynte brenda për t’u mbrojtur dhe më pas të largohej dhe të mbyllte tubimin.

Duke folur në aeroportin Sabiha Gokçen në Stamboll, në kthimin e tij nga qyteti Erzurum, kryebashkiaku İmamoglu ka thënë se grupi që e kishte sulmuar atë ishin këmbëngulës për kryerjen e sulmit dhe të frymëzuar nga dikush.

Në aeroport, Imamoglu shënjestroi shefin e policisë së Erzurumit, Levent Tuncer dhe i bëri pyetje nëse ishte një urdhër për ndërhyrjen dhe sa persona ishin ndaluar, raporton BBC.

Guvernatori i Erzurumit, Okay Memis, ka njoftuar se shtatë persona kanë pësuar lëndime të lehta trupore nga sulmi me gurë.

Me më pak se një javë të mbetur për zgjedhjet presidenciale dhe parlamentare në Turqi, presidenti i vendit mbajti një tubim masiv në Stamboll, të dielën, me të paktën 1.7 milionë njerëz të pranishëm.

Erdogan ka përshëndetur turmën masive të njerëzve në tubimin në Stambollit dhe kujtoi arritjet e Qeverisë së tij gjatë 21 viteve të fundit.

Udhëheqësi turk tha se Qeveria e tij ka trefishuar të ardhurat kombëtare gjatë 21 viteve të fundit.

Ai ka kritikuar opozitën turke për retorikën e tyre armiqësore mbi dronët e prodhimit vendas dhe dronët luftarakë dhe u zotua të përmirësojë më tej industrinë e mbrojtjes së vendit.

Zgjedhjet në Turqi do të zhvillohen më 14 maj.

Në fletën e votimit presidencial, votuesit do të zgjedhin midis presidentit Recep Tayyip Erdogan, i cili kërkon rizgjedhjen, kandidatit kryesor të opozitës Kemal Kilicdaroglu, Muharrem Ince dhe Sinan Ogan.

Ndërkohë, 24 parti politike dhe 151 kandidatë të pavarur po konkurrojnë për vende në parlamentin turk prej 600 anëtarësh.

Shija e redaktorit

Nora Gjakova, e artë në Grand Slamin e Bakusë

Xhudistja kosovare, Nora Gjakova, ka fituar medaljen e artë ne Grand Slamin e xhudos, që po mbahet në Baku të Azerbajxhanit Gjakova e mposhti gjeorgjianen...

Distria e Nora në finale, sigurojnë medalje në Grand Slamin...

Kampionet olimpike, Distria Krasniqi dhe Nora Gjakova, janë kualifikuar në finale të Grand Slamit të xhudos që po mbahet në Baku të Azerbajxhanit. Xhudistja kosovare,...

Maqedonci: Uniforma e FSK-së është trashëgimi e vlerës së atyre...

Ministri i Mbrojtjes, Ejup Maqedonci, gjatë ceremonisë së diplomimit të rekrutëve të FSK-së, ka kujtuar kohën e mbajtjes së uniformës, e të cilën, ai...

Të fundit nga rubrika