Më 16 prill është mbajtur eventi i modës “Kosova Fashion Night”, ku disa prej dizajnerëve vendorë prezantuan koleksionet e tyre për sezonin Pranverë–Verë 2026.
Pas përfundimit të sfilatës, u zhvillua edhe gara për përzgjedhjen e më të bukurës së Kosovës.
Titullin Miss Kosova 2026 e fitoi Ines Gashi, duke u vlerësuar si më e dalluara e mbrëmjes.
Në këtë event u ndanë edhe disa tituj të tjerë të rëndësishëm: Nita Hajdini u shpall Miss Shqiptaria, Ema Tafa fitoi titullin Best Model of Kosova, Argjenda Berbatovci u kurorëzua si Miss Prishtina, ndërsa Blerta Sadriaj u rendit si Shoqëruesja e parë.
Ngjarja solli në një mbrëmje të vetme modën, elegancën dhe bukurinë, duke promovuar talentin dhe stilin e dizajnerëve dhe modeleve nga Kosova.