Zëvendësministri i Jashtëm i Iranit, Kazem Gharibabadi, ka deklaruar se kërcënimet e presidentit amerikan Donald Trump ndaj infrastrukturës civile iraniane “përbëjnë krime lufte” dhe janë një “shkelje flagrante e nenit 2(4) të Kartës së Kombeve të Bashkuara”.
Ky nen ndalon përdorimin ose kërcënimin me forcë kundër integritetit territorial të një shteti.
Gharibabadi paralajmëroi se Irani do të japë një përgjigje “vendimtare, të menjëhershme dhe që do të shkaktojë pendesë” ndaj çdo agresioni apo kërcënimi të afërt, raporton BBC.
Ndërkohë, ish-prokurori kryesor i Gjykatës Penale Ndërkombëtare (ICC), Luis Moreno Ocampo, ka theksuar më herët se sulmet e qëllimshme ndaj objekteve civile që nuk janë objektiva ushtarake përbëjnë krime lufte.