Ish-komandanti i Ushtrisë Çlirimtare të Kosovës (UÇK) në Zonën Operative të Llapit ka nisur të merret në pyetje nga mbrojtja e ish-presidentit Thaçi.
Dëshmitari Mustafa është dëshmitari i 13-të me radhë në këtë çështje gjyqësore dhe seancën e së premtes ka filluar të përgjigjet në pyetjet e avokatit mbrojtës, Luka Misetic, raporton “Betimi për Drejtësi”.
Siç ka prezantuar mbrojtja, koha në të cilën ish-komandanti Remi planifikon të merret në pyetje është dy orë nga mbrojtja e Veselit, mbrojtjes së Selimit rreth 5 orë dhe mbrojtjes së Krasniqit rreth 4 orë.
Nga prokurorja speciale nuk është përjashtuar as mundësia e të parashturarit pytje shtesë dhe se dëshmia e dëshmitarit Mustafa mund të vazhdojë edhe javën e ardhshme.
Ndryshe, në seancën e djeshme ka përfunduar marrja në pyetje e dëshmitarit Mustafa nga Zyra e Prokurorit të Specializuar, konkretisht prokurores Clare Lawson dhe mbrojtësit të viktimave, Simon Laws, pyetjet e të cilit janë bërë në sesion privat.
Mustafa ka filluar dëshminë e tij në seancën e së martës dhe ka vazhduar në seancat e së mërkurës dhe të enjtes, raporton Betimi për Drejtësi.
Ndryshe, Zyra e Prokurorit të Specializuar, më 30 shtator 2022, ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Hashim Thaçi, Kadri Veseli, Rexhep Selimi e Jakup Krasniqi pretendohet të kenë kryer krime lufte në Gjilan, Budakovë e Semetishtë.
Që të katërt janë deklaruar të pafajshëm.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.