Ish-ministri i Integrimeve Evropiane, Blerim Reka, ka akuzuar Bashkimin Evropian se nuk po punon në zgjerimin e saj kur bëhet fjalë për vendet e Ballkanit Perëndimor.
Përmes një postimi në llogarinë e tij në Twitter, Reka ka thënë se Brukseli po e zgjeron boshllëkun mes BE-së dhe Ballkanit Perëndimor.
“Në vend të zgjerimit të BE-së në Ballkan, duket se Brukseli po e zgjeron hendekun mes BE-së dhe rajonit”, ka shkruar ai.
Instead of #EU enlargement in the #Balkans, it seems that #Brussels is enlarging the gap between the EU and the region.
— Blerim Reka (@Blerim_Reka) June 27, 2022
Ndryshe, të hënën e 27 qershorit, shërbimi diplomatik i BË-së përmes një komunikate për media ka deklaruar se zgjerimi i BE-së me vendet që janë të gatshme për t’i përmbushur kërkesat, është interes strategjik i tij.
“Javën e kaluar, Këshilli Evropian vendosi që e ardhmja e Ukrainës, Moldavisë dhe Gjeorgjisë qëndron në BE. Vendet e Ballkanit Perëndimor janë tashmë në atë rrugë dhe BE-ja gjithashtu ka ripërsëritur angazhimin e saj ndaj tyre”, thuhej në njoftim.
Ndërkaq, Samiti i BE-së me Ballkanin Perëndimor, i mbajtur në Bruksel, nuk prodhoi ndonjë rezultat konkret, të favorshëm për vendet e Ballkanit.
Aty nuk u dha ndonjë datë për hapjen e negociatave me Maqedoninë e Veriut dhe Shqipërinë, e po ashtu Kosova nuk ka marrë ndonjë datë për liberalizimin e vizave, e as Bosnjë-Hercegovina nuk ka marrë statusin e kandidatit për anëtar të BE-së.
Ndërkohë, më 26 qershor, BE-ja, ia ka besuar detyrën eurodeputetit nga Ballkanin Perëndimor(BP), Tonino Picula.
Detyrat e tij do të jenë në lidhje me zgjerimin e Unionit Evropian. Ai do t’i hartojë strategjitë për BE-në, të cilat do t’ia propozojë PE-së.
Ai ka kërkuar në mënyrë të veçantë që Shqipërisë dhe Maqedonisë së Veriut t’iu njihet puna e tyre drejt Bashkimi Evropian, duke thënë se “duhet të njihen meritat e arritjeve të këtyre dy shteteve në Ballkanin Perëndimor”.
Sa i përket Kosovës, ai po ashtu theksoi se liberalizimi i vizave duhet të ndodhë menjëherë dhe pa pasur shtyrje në afate.
Mbi Bosnjë dhe Hercegovinën, Picula deklaroi se duhet të shtyhet përpara për hapjen e negociatave.
Ndërsa, për Malin e Zi ka thënë se është një ndër shtetet që ka avancuar më shumë në rrugën drejt BE-së.