Ish-zëvendëspresidenti amerikan Mike Pence ka deklaruar se Shtetet e Bashkuara të Amerikës (SHBA) duhet të ndjekin një marrëveshje financiare për blerjen e Grenlandë, në vend të një ndërhyrjeje ushtarake, mes spekulimeve në rritje nga Shtëpia e Bardhë për të ardhmen e ishullit Arktik.
“Duhet të ketë një marrëveshje financiare afatgjatë që do të na lejonte ta blinim atë territor, ashtu siç ndodhi me blerjen e Luizianës, Alaskës dhe më tej”, tha Pence.
Nga ana tjetër, Shtëpia e Bardhë ka sinjalizuar se presidenti Donald Trump po shqyrton një sërë opsionesh për blerjen e Grenlandës, duke lënë të hapur edhe mundësinë e përdorimit të ushtrisë amerikane.
Trump ka përsëritur disa herë se dëshiron aneksimin e Grenlandës, duke argumentuar se një hap i tillë është i domosdoshëm për sigurinë kombëtare të SHBA-së.
Pence paralajmëroi se, në rast të një sulmi ushtarak ndaj Grenlandës, aleatët do të viheshin përballë një zgjedhjeje të vështirë: ose të distancoheshin nga NATO, ose të dilnin në mbrojtje të territorit të sulmuar. Ai theksoi se e mbështet plotësisht idenë e gjetjes së një zgjidhjeje përmes dialogut dhe bashkëpunimit me Danimarkë.