Ish-kryetari i Lidhjes Popullore të Kosovës (LPK), Bedri Islami, bëri të ditur se në Shqipëri ishin arrestuar disa figura të luftës në Kosovë.
Sipas tij, për shkak të armëmbajtjes ishin arrestuar në raste të ndara Adem Jashari, Hashim Thaçi e Zahir Pajaziti.
Adem Jashari, sipas tij, ishte mbajtur në burg vetëm dy orë.
“E gjithë rruga e Zahir Pajazitit në Tiranë ka qenë nën vëzhgim, dhe nuk ka qenë e bërë nga strukturat e Shqipërisë, ka qenë nga strukturat e ardhura në Shqipëri që bashkëpunonte me një pjesë që quhej dega e Kosovës në shërbimin informativ të Shqipërisë. Jo vetëm Zahiri, por ai ka qenë më i njohuri, sepse kishin ardhur informacionet se Zahir Pajaziti drejtonte grupin e Llapit. Ai kishte qenë një herë i arrestuar në Shqipëri, ishte deportuar në Jugosllavi, po ashtu me armë ishte zënë edhe Thaci ishte burgos, ishte zënë edhe Ademi edhe ai ishte burgosur, ishte mbajtur dy orë s’ishte mbajtur gjatë”, tha ai.
Tutje, Islami foli edhe për UÇK-në, ku tha se pikë e dobët e saj ishte mungesa e kuadrit.